THUHMAIHRUAI
A hmaisabik ah atu vekin Pathian thangthatnak HLABU suah theinakcaan tha in petu Pathian hmin cu sunloih thangthat in umsin ko seh.
Malaysia ah kan Falam pawl hi 1994 hrawng ihsin thansonak hawlin kan rak thleng thok. May 9, 1999 ni ah tonkhawm thurel tlangnaknei in "Malaysia Falam Pawlkom (MFP) cu dinh a rak si. December24, 2004 ni ah Malaysia Falam Pawlkom cu "
Lai ChristianFellowship (LCF)" ti'n sungtel mipi lungkimnak thawn a hmin thleng a si.
A hmaisabik LCF Pathian biakkhawmnak cu Putra Jaya ramhnuaibuuk ah a si ih culai ih Pathian biakkhawmnak ah tel theitu zumtu 70-100 kiangkap an si theu. Khawmnak ah Hla cabu an rak nei loih aremcaang thei lo. Hruaitu upa pawl hohanak le Hla committee pawlih tawlrelnak in August, 2003 ah cun Khristian Hlabu sungtaa hrekkhat le Nun Thar hla pawl khawlkhawm in hla fing (170) ummi Hlabu an rak suah.
Caan a hung rei vingvo ih Hlabu cu saduhthah a si nawn lo ruangah November 18, 2004 ni ih Executive Committee (EC) meeting a vei (7) nak ah Hlabu thar tuah saal dingin relcat a si. 2005 kum ah tuansuaktu dingin Mino pawl tuanvo peek a si. Hla Committee dinh a siih Committee in pehzom in Khristian Hlabu pi sungtaa fing (141) le Nun Thar Hlabu pawl ihsin fing (117) laak khawm in Hla fing (258)ummi Hla Cabu an tuah suak thei.
Pathian umpit lamhruainak in LCF hi sungtel mipum ih siseh, Pathianbiakkhawmnak ih tel thei khawmtu mipum siseh kan karh vingvo ihkhawm le Pathian thangthat hlasak tla a nuamzet. Asian Hla Cabukan daihcanng lo ruangah mah duh vekin hlasak a nuam thei lo.
Curuangah LCF hruaitu upa Deacon pawl ih khawkhan lairelthiamnak le tawlrelnak in Hlabu Thar cu Hla Committee tuanvo pein tuah saal a si. Khristian Hlabu sungin fing (103) le Nunthar Hlabupawl sung ihsin fing (133) la khawm in thangthat hla fing (236) ummi Hla Cabu thar cu Offset in uk 800 (zariat) kan tuah.
Hih Hla Cabu cang suak thei dingin "Hla pawl" a hawl ih akhawlkhawmtu Hla Committee: Pa Mang Tin Sawn (Convenor),
Pa Mang Ci, Salai Simon, Salai Kawl Lian le Salai Lal Awi Sang par ah si seh; Computer in ngan saktu Salai Biak Chawn, Salai Lai Awi Sang, Johnson Van Lal Lian, le Salai Kap Lian Thang parah siseh, Hla tongfang le cafangkom in zohfel saktu Pa Mang Tin Sawn le fanaupawl parah siseh, Salai Simon le Salai Mang Ci parah sisehlungawinak sim cawk lo kan nei a si.
Hih Hlabu hmangin Pathian a thangthattu zumtu pakhat cio ih nunnakah minung ih peek thei lomi lungawi thlangamnak, lungdaihnak lethinnomnak, thlarau thanghharhnak thluasuah lo pe fingfing hngahhramseh ti saduhthah le thlaza cam phah in..,
Rev. Run Cung MangPastor, LCF
LCF, Malaysia
July, 2008
A TUM THUMNAK HLABUSUAHNAK HRANGIHTHUHMAIHRUAI
LCF Malaysia a dintu, kum hra kim (2002-2012) Tin Jubilee tiangin umpitu, a kilkip ih thanglian pitling dingin in kaihruaitu,
le a tum thumnak Thangthatnak Hlabu suah non thei dingihthluasuah in petu Pathian hmin cu sunloih thangthat in um sin koseh!
Pathian Thangthatnak Hlabu hmaisabik cu 2008 kum ahoffset in bu 800 suah a si. Sungtel innsangtin in sunsakzet in anlei cio ih lungawiza ngaingai a si. Culawng si loin Malaysia ihsin aramthumnak a feh zotu pawl in an thlennak khua le ram ahkawhhran asilole fellowship an din ih Hlabu in run cah cioruangah a cem thluh.
2010 kum ah hla hlun hrekkhat telh nawn loin, sak nuammi hlathar bet in fing (250) Thangthatnak Hlabu offset in bu (500)suah saal a si. Sungtel thar innsangtin le home cell pawl in an leicio ih hlei ah USA le Canada ihsin kawhhran pawl in in run cah ihuk tampi kan kuat ruangah a cem verver lala.
2012 kum ah E.C in bu (500) nam (print) saal dingin thurelnak anei ih a tum thumnak Hlabu suahmi hi a tum hnihnak taa bang a si nan cafangkom ngan dik lomi le hrelhmi pawl rem in famkimdeuh le tha deuh ih tuahmi a si.
Hih Hlabu cangsuak thei dingin thazaang, thiamnak le tikcu pe in angantu le a zohfeltu, le a tawlreltu pawl tlunah lungawinak sim cawklo kan nei.
Pathian in zumtu pawl ih thlarau nun hninghnotertu, thangphawktertu le thazaang thar petu ah hmangin
A hminsunlawinak ah thluasuah malza in sawm sak hram seh!
Rev. Run Cung Mang
Senior Pastor
June 29, 2012