1. Pathian Fapa neihsun Jesuh thii,

    Kalvari tlang parin a luang;

    Jehovah Pathian lungthin sung a thleng ih;

    Cuih thiisen a zumtu mi hmuah in,

    Thihnak sal in in luatter zo;

    Pathian fahniang ti ih kawh co mi kan si.

 

          Haleluijah...Amen...Amen,

          Thiisen sungah alak in nunnak a um;

          Zaangfahnak caan sunglawi atu a si,

          A rei hlanah a liam leh ding;

          Atu zamrang in hniim aw, thiisen sungah!

 

2. Kan Bawipa Jesuh thii luang loin,

    Sual ngaithiamnak dang a um lo;

    Jesuh thii a luang ih Pathian lung a awi,

    Hlanlai Israel pawl sangka ih;

    Tuufa thii in an luat bangin,

    Jesuh thiisen zumtu in luatnak an ngah.

 

3. Kalvari tlang Jesuh thihnak in,

    Hminsinmi zumtu pawl tla cu;

    A thiisen in a thukamnak a hngetter,

    Kan theih lo sualnak hman in ngaithiam;

    Mi dingfel ah in cangter zo,

    Cuih thiisen in Satan raalpa tla kan neh!