1. Thuthangtha sim dingin mi tampi cu an feh,

    Tiduhdah harsatnak tinkim tuar in;

     Maw unau nang le kei atu kan caan a si,

     Daithlang in um men theih a si nawn lo.

 

               Tho uhsi, Bawi Khrih raalkap rual tla,

                Bawipai' hrang ram laak ding a tampi lai;

                Kan unau Satan kut sung taangmi pawl,

                Runsuak ding ahhin tuanvo kan nei.

 

2.  Tuan loin um men ding tui' caan hi a si lo,

     Caan le tiluang in mi a hngak si lo;

     Kan nunnak men hi cu rei hlanah a cem ding,

     Khrih hrang kan tuanmi cu a cem lo ding.

 

3. Nu le pa, u le nau, mai' innsungsang cio in,

    Rundamnak thuthangtha sim thok uhsi;

    Mai' sungsuak te le fa tel loin vanram nuam,

    Thlen ding cu ruah ahhin a cangthiam lo.

 

4. Kan kiang ah thlarau hlo runsuah ding an tamtuk,

    Kan titheitawk cio ah rin-um tein;

    Simtu cun sim mai seh, thlacamtu'n taima in,

    Petu thawn kutkai aw in tuan uhsi!