1. Bawi Khrih nun neitu pawl cu,

    Harsat le donak lakah;

    Nitin mai' Cross pu ih feh ding kan si,

    Ringtu hmasa feh liam pawl nun daan khi;

    Harnak, thihnak tiang tuarin,

    Leitlun hrang an nun an hlan.

 

          Khrih ruangih Amah kan rin lawng si loin,

          Kan tuar khal Pathian in in siang;

          Tuarnak hi camsiatnak a si si lo,

          Kan hrang malsawmnak thabik sawn a si.

 

2. Thutak thei lotu pawl ih,

    Hmuh daan le thlir daan cun;

    Thinlung tha lo nei mi bang si hmanseh,

    Kannih cu thutak tan ding ti lo cu;

    Thutak do dingah hi cun,

    Zianghman kan ti thei si lo.

 

3. Kan tuarmi donak tla hi, 

   Harsa bangin lang hmanseh;

   Bawipa Jesuh zoh cun rel tlak um lo,

   Thiisen thianghlim a neitu Jesuh hrang;

   Tuar tlakah Pathian in ruat,

   Lungawi thu kan sim sin ding.