1. Zumtu unau kan zaten kan nun daan zoh saal uhsi,

    Mi pawl ih in hmuh daan ahhin kan mawi maw?

    Kan hrangih tul sawnmi cu kaa ih sim le rel hnakin,

    Kan nun daan ih Bawipa thangthat ding kan si.

 

          Zumtu unau kannih hi leitlun tleutertu kan si,

          Kan tleunak cu mi mit hmuh ah eng seh;

          Ticun kan tuah thatmi pawl leitlun mi an hmu dingih,

          Kan cung Pathian cu thangthat in a um ding.

 

2. Mi piangthar kannih pawl hi kan Bawipa Pathian in,

    In nganmi cafang tumpi tla kan si;

    Mi sukso veivak pawl in in siar theinak dingah,

    Fiangzet in kan langter ding Khrih hmel mawi cu.

 

3. Cuticun rul bang fim in thuro bangih nunneem in,

    Um uh in ti kan Bawipa Jesuh in,

    Cinghnia lakih tuu runrual thlah khawmmi vek kan si,

    Nan um daan ah ralring te in um cio uh.