1. Bawipa Jesuh leitlun a leenlai ah,

    Mi anhai beidong pawl in an rak pan;

    An natnak a damter, an tulsammi a pe,

    Haleluiah Bawipa a sunglawi e.

 

          Farah pawl ih Pathian, mi-aa pawl ih Pathian,

          Dam lo pawl ih Pathian, beidong pawl ih Pathian;

          Misual pawl kan Pathian sunglawi in a mak e,

          A hmin ahcun Remruattu Bawi an ti.

 

2. Dam lo pawl in siibawi an tul bang le'n,

    Thlarau, thinlung, taksa dam lo pawl in;

    Lei le van ih siibawi Jesu'n in damter zo,

    Nun a nei lo pawl hrangah nun in pe.

 

3. Dinhmun sang pawl hnuai ah a hnuk thla ih,

    Mi nauta pawl an dinhmun a khaisang;

    Lei ih misunglawi le mi ropi ko loin,

    Mi nauta pawl Bawipa'n in hruai khawm e.

 

4. Thinlung vansang rethei pawl lungawi uh,

    Zawn in ruattu a nung Pathian kan nei;

    A duhdawt zaangfahnak kan hrang a hmun kumkhua,

    Santlai lo pawl A thiisen in in ko.