1. Hih leitlun sualnak in i kulhvel ih,

    Sual sungin ruun suaktu kan hawl ih;

    An um lo vanrang tang leitlun mi lakah,

    Hmanseh Bawi Jesu'n kei i ruundam zo.

 

          Ka thangthat ding Bawi Jesuh,

          Thiamcotertu ka nei zo;

          Ka tih lo Pathian hmai ah in heek theitu ding,

          An um lo, thiamco in kei ka um zo.

 

2. Sual ruangih thiam lo co thi ding ka si,

    Hmanseh Bawi Jesu'n ka ai a tuar;

    Satan kut sungih sal in kei ka luat zo,

    A duhdawtnak Fapa ram i hruai thleng zo.

 

3. Maw thihnak, khui ah so na nehnak cu?

    Maw thlaan, nang khui ah so na tur cu?

    Ka Bawi Jesuh zarah nehnak ka co zo,

    Bawipa cu thangthat in umsin ko seh.

 

4. Leitlun mi'n an theih lomi nunnak cu,

    Ka nei zo thihnak a neh zo ruangah;

    Van sui khawpi sung ah hminngan in ka um zo,

    Amai' taa ka si zo a kumkhua in.