1. Kamsang Elijah, Karmel tlang parah,

    Van ruah dil in Bawipai' hnen thla a cam;

    Van tukverh ongin van in ruah a sur,

    Thingkung hrampi hring diaidiai.

 

         Thlarau Thianghlim, maw Thlarau Thianghlim,

         Au sal aw, kan khua, kan ram kan tlang ah,

         Thlarau ruahtii kan ngai e,

         Kan khua, kan ram hring dingah.

         Thlarau Thianghlim au saal aw.

 

2. Penticost ni ah, thli le meisa bang,

    Thlarau Thianghlim cu van in a rung tum;

    Tongthar in an tong, Bawipa an thang that.

    Nunthar in an leng dialdial.

 

3. Thuro bang nunnem, maw Thlarau Thianghlim,

    Kan nunnak thu in sim, in zirh saal aw;

    Thlangamnak thlarau, lungawinak thlarau,

    A hmin mawi kan lawm dialdial.

 

4. Pathian fa hruaitu, mi-aa fimtertu,

    Riahsia le beidong, ninghaang pawl hnemtu,

    Thuthup in zirhtu, raal thatnak in pe,

    Lam in hruai, lungawi siamsiam.