1. Damlai hring nun ah, lungawi kim thei lo,

    Tlaksamnak le nun beidonnak a si;

    Khrih Jesuh a neitu lawng hi,

    Lungawinak kim le thinlung hnangamnak kan co hleice e;

    Hmuh thiam lo nun lungawinak.

 

        Kei cu phaan ding ka nei lo,

        Harsat mangbangnak cu thleng hmanseh;

        Keimah ih a nungmi Bawi Khrih ruangah,

        Tuar daan ka thiam si, i hruaitu Amah a si.

 

2. Hih leiram cu e, nun a famkim lo,

    Bawipai' siam Salem thar khawpi nuam ih;

    Kan thlen hnu lawngah a famkim ding;

    Ziangkim neitu le pe theitu Amah ka neih hnu hi cun,

    Nun lungawinak thup ka nei.

 

3. Leitlun mit hmuh ah fel si lo hmanning,

    Felnak Bawi Jesuh Khrih ka neih ahcun;

    Pathian in mifel ah in pom,

    Minung duh daan hnakin Pathian duh daan;

    Ka ngaisang sawn si, nun hahdamnak ka nei zo.

 

4. Leidip ih tuahmi hring mi kan nun ah,

    Leilung ah kir saal in ziamral hmanseh;

    Kan thlarau cu Amai' hnenah,

    A kir saal ding si ti ka theih hnu cun,

    Buai ding a um lo, ka thlennak ding ka thei fiang.