1. Bawipa’n a mi pawl kan parih,

   A remruah dan hi tisa daan ihsin thlir cun,

   Pawmpi thiam a har ee, mualphonak,

   Mangtam tlaksiat kan tuar khal Bawipa’n in siang.

 

         Bawipai’ remruat ka hrangah a tha a tha,

         Thlei dan a nei lo zaangfahnak ih khat Pathian,

         Kan hrang thabik in ziangkim in tuah sak,

         Cung Pathian ih remruah daan hi a tha a tha.

 

2. Vei tampi cu Bawipai’ remruat,

    Theithiam loin maw vanduainak ah kan ruat theu,

    Sihmanseh riahsiat beidonnak le,

    Tahnak zaanthim ah Bawipai’ hmel mawi a lang.

 

3. Retheih zawnzaihnak kan tuar hi,

   Bawipa’n in siang ee, kan cem hloral theh hnuah,

   Amah lawng rinsan daan in thiamter,

   Kan tawntaih tikah Bawipa a cak sawn si.