1. Bawipai’ thu a ngaitu pawl cu, Mi lungawi thanuam an si.

   A thupekmi vekih a nungtu pawl cu,

   Na tuanman cu khopkham tein na ngah ding Bawipa’n a ti.

   Mi neinung le mi lungawi khal an si ding Bawipa’n a ti.

 

        Na thainu cu na innsang ah,

        Sabit kungrah duhmi bang,

        Rah tha suahin Khrih hmel mawinak a langter;

        Na hrinhniang pawl cu lungrual te’n,

        Na run inn ceimawitu le,

        Na cabuai kiangih Olive kungvek an si.

 

2. Bawipai’ thu a ngaitu pawl cu hi bangtuk ih thluasuahnak,

   Cotu an si cunghlun Mangbawi in a ti.

   Bawipa-in Zion tlang ihsin thluasuahnak phunkim a pe,

   Hi leitlun ah nun khaw nuam le sansau in nungtu an si.

 

3. Bawipa’ thu a thluntu ram le miphun le inn sungsang cu,

   Bawipa’ thluasuahnak phunkip in a thlun theu,

   Amah suunlawinak petu le a daan ngainaatu pawl cu,

   A tikcu caan a kim tikah suunlawinak Bawipa’n a pe.