1. Leitlun misual pawl duhtu Bawipa,

   Na duhdawtnak Kalvari tlangah,

   Mi hmuah hrangah nan nunnak na pe,

   Neihsun fapa thing Cross ah,

   Kan sualnak cu a phur ih misual kan luatnak dingah,

   A nunnak thianghlim a hlan. 

 

          Bawi Khrih cu kannih luatnak a si;

          Sual man thihnak leiba rul dingah,

          Thing Cross parah a thi ih,

          Pathian ngaidamnak kan zo;

          Kumkhua sandeng daih a si;

          Nunnak thar in kan leng ee.

 

2. Mi zokhal a zum ih pomtu cu,

   Thiam lo co ternak in a luat zo,

   Zo in thiam lo a coter saal ding?

   Thuthentu amah a si;

   Mawh nei loin kan lut ding,

   Vancung sui khawpi mawi ih,

   Sankhuk nuam in kan leng ding.

 

3. Maw Bawipa ka lung a awi ee,

   Tui’ ni ah na rundamnak sunglawi;

   Kan tuah thatnak felnak tel loin,

   Zangfahnak in in coter,

   Kan sualnak tlengfai dingah,

   Na thiisen thianghlim na hlan,

   A sunglawi ee maw Bawipa.