1. Zumtu mitthli thawn in Bawipai’ hrang tuan a cu,

   Mitthli thawn tuan ding Bawipa’n in ko,

   Nun nei lo thlarau hlo hremhmun an feh lai ah,

   Zumtu dai te’n na cawl men ding maw?

 

         Rawl khawm caan a liam ding, 

         Tuan caan a um nawn lo ding,

         Tu ih tuannak caantha te kan neih lai ahhin,

         Kan ti thei tawk te le kan tlin tawk te cio in,

         Thlarau hlo hawl in tuan cio uh si.

 

2. Tuan a cu ee Bawipai’ lo khi hei cuan hman uh,

    Tuantu an mal tuan ding a tam si,

   Thlacamtu’n mitthli thawn, petu khal mitthli thawn,

    Mitthli thawn kan nun in sim uh si.

 

3. Feh cia martar thiisen sawmnak aw cu ngai hman,

   An tah mitthli rial ti bang luang in,

   In bawm, in bawm zaang uh, Macedonia pan in,

  Thlarau hloralmi run suak dingin.