1. Duhdawtnak ih in hawl suaktu,

    Zangfahnak ih in rundamtu;

    Ngilneihnak ih in cawisangtu,

    A maktuk e! ka sim thiam lo;

    Hi tluk ih in lainattu hi,

    An sim pialral ram hmanah an um lo.

 

         A lu tlun ih hling lukhum le, an vuaknak vual le,

         Hriamhma ah tidam in kan um zo,

         Haleluijah!Lei le Van tong in a daih lo,

         Pathian duhdawtnak rung langmi,

         Fapa Jesuh Khrih ah cotu kan si.

 

2. Mifim pawl mualphoter ding le,

    Milian pawl ningzakter dingah;

    Santlai lo pawl in ko khawmtu,

    A va mak em! Sim thiam a har;

    Duhdawtnak tlun ih duhdawtnak,

   A zaangfahnak cu kan nunnak a si.

 

3. Kan sualnak le palhnak bangin,

    Kan tlun ah in thungrul siang lo;

    Mi tha bangin in kilkhawitu,

    Nitin kan tul le kan sammi,

    Uimi nei loin in pe theu;

    Bawipa a tha, a tha sunglawi sin seh!