1. Leitlun sual ih hlo hnu tlensuak leh dingin,

    Pathian in a Fapa mal neihsun a peek;

    A tlen cia sual ih hlo hnu, nunnak lam an hmuhnak ding,

    Thilpek ih hnatuan dingin Bawipa'n in fial.

 

          Pe cio uh ti cun, peek in nan um ding,

          Peek ah Pathian nan neh ban thei lo ding;

          Pathian in minung lei a ba dah lo,

          Malsawmnak hrampi a rak si.

 

2. Zumtu pawl tla thupek khohzetmi kan hmu.

    "Feh uhla thuthangtha sim cio uh" a ti.

    Fehsuak thei lo pawl khal in mawhphurhnak tumpi kan nei,

    Thilpek ih hnatuan dingin Bawipa'n in ko.

 

3. Zumtu pawl tla khui ah ro nan khawl khawm ding?

    Thlarau hawl ih nan khawlmi cu nan ngah ding.

    Zumnak in na peek ding cu Bawipa'n a lo hngak a si,

    "Ziangzat in so in zum ngam ve ding?" a ti.

 

4. Ka thei fiang zo Bawipa ih sawmnak thu hi,

    Khristian hmuah in missionary ding in ko;

    Ka lo peek ka neih hmuah le ka taksa ka nunnak thawn,

    Na taa ka si thiisen in i lei zo si.