1. Ngai hman van Bawi Fa cu, Bethlehem caw inn tlawm ah,

    Minung tisa cang in a suak ih,

    A lalnak, thatnak van tokham cu taanta in;

    Nautatnak caw inn ah a suak in tlen ding in.

 

          Kan thangthat cio lei le van Bawi fa cu,

          Lawm in Amah faknak hla kan sak;

          Rethei zonzai mi tla'i Bawipa cu,

          Na hrang umnak hmun a um lo Bethlehem ah;

          Hmansehla atu, na hrang hmun a um kan hnenah.

 

2. A suahnak hmun rethei Bethlehem caw inn lo cu;

    A hrang hmun dang a um ve si lo;

    A lu kha a thum Bethlehem caw inn tlawm ah,

    Lei bawi rual le a miphun in an duh si lo.

 

3. Bawi cungnung hmun nuambik a leng cia hnu Bawi Jesuh,

    Lei bawi rual in Amah do hmanseh,

    Kei ka hrang ahcun duhnungbik Bawipa a si;

    Farah rethei, nauta kan hrang rung suak Bawi cu.

 

4. A sunglawi nunnak lukhuh kan hloh Eden hmuan ah,

    Atu in hmu sak zo kan Bawipa in;

    A duhdawtnak aanka neemte mi' lung hneemtu,

    Zing deirel arsi hnakin mawi sawn Jesuh hi.