1.   Ram thianghlim hmun ih Bawi seem cu,

      A pan kan cung van arsi eng in,

      Mifim pawl amah hawltu tla in, Arsi tleu mawi cuan in,

      Kei khal cui' arsi eng cu pan ve ning,

      Lal piannak hmunh tlawm Bethlehem in thlen ding.

         

          Aw, Bethlehem tlang ka thlen hlan lo,

          Cawl loin feh ning law;

          Cui' arsi eng in kei i hruai lan ding,

          Sunghno Mary cawi, hrin thar hniang ka hmu ding.

 

2.   Catuan salem sangkhar sunglawi,

      Kan hrangah a run ong leh zo ee;

      Hloralnak ramih a leng zo hnu, Vankhua kei i coter,

      Zai hla rem uhsi, Bawi thar a suak zo,

      Lei hi hlamawi in kumkhua hngawr camcin seh.

 

3.   Lawm lo um hen maw Lal thar cu,

      Vanmi senpi in an run thlen zo;

      A ngai in vankhua a thing reh zo, tap in lei an run thlir,

      Vancung arsi khal in a thlunlan maw,

      A suahnak hmun tlawm Bethlehem thlen tiangin.

 

4.   Aw tu ahhin feh thlang uhsi,

      Hmun khawharlam cu pan ve uhsi,

      Lei lal in amah do hmansehla, miza tampi khal in,

      Kei ka Bawi duhnung ka lunglai hnem tu,

      Harnak hmunkip ah Ama'n in umpi ding.