1. In hruai aw, in hruai in in zirh aw,

   Damsung buainak romei zing lakah,

   Na hmel phentu sual thal alh lakah

   Nek sawrnak in kan nun khua a thim.

   

          Bawipa nang thawn kan lentlang ahhin cun,

          Duhdawtnak nun in sual a khuh ih,

          Lei si hmanseh van a cang theu

          A tak van thlen ding ka va cak em!

 

2. Kan zuam lo Bawipa nan tel lo cun,

   Thlarau cun zuam hmanseh taksa cun

   Cintawk nei mualphonak men a si,

   Bawipa na hmin hi thangsia hlah seh.

 

3. Hi lei camsiatnak ram ah hicun,

   Zumtui’ hrang buainak doral a tam

   Paul in mirethei ka si a ti,

   Sualpu taksa a cem hlan hicun.

 

4. Damsung nun khawsak reltu Bawipa,

   Na mi kan nun cangvaih thil ti ah,

   Kan mawinak nomnak thatnak hnakin,

   Na mawinak langtertu si ka duh.