1.   Ni bang a tleumi ram a um,

      Pathian umnak hmun ah,

      Ni a tlak lonak ram ahkhin,

      Jesuh tleunak a um.

 

           Thinglamtah kan phurh ahcun,

           Sui lukhuh kan khum ding;

           Vancung ram kan tlen tikah,

           A kumkhua in kan tleu ding.

 

2.   Khi ram sungah daihnak a um,

      Thihnak tiva raal ah;

      Tihnungza um lonak ram ah,

      Kan co ding ro a um.

 

3.   A sunglawimi inn tha a um,

      Vancung khua sung ahkhin;

      In duh ngaingaitu mi hmuah in,

      Kanmah hmuak ding an um.

 

4.   Leitlun tihnungza phaang hlah uh,

      Zamrang in taan kan duh;

      Lungawinak reh ti um lo ding,

      Vanmi thawn kan um ding.