1. Kut le ke kimte’n in sersiamtu,

   Cung Mangbawi ka hrang a tha tuk ee;

   Sersiam mi mawizia hmuhthei dingah,

   In tuahtu Bawipa kan hrang a tha.

 

          Thangthat uh Pathian kan hrang a tha ee;

          Tingtang le khuangte awn theimi hmuah thawn,

          Kut beng le lam in kan thangthat ding,

          Hosanna Pathian sunglawi sin seh.

 

2. Ka nunnak him te’n in kilkhawitu;

   Zaan ka ihthat le ka thawh caanah;

   Van daifim thlithiang cirhti in pe,

   Zingtin in lungawinak thawn ih thuam.

 

3. Ei le in sinfen ka hmuh mi hi,

   Sum le saw ziangkim ka neih mi hi;

   Cahnak le thazang ruang a si lo,

   Siamtu cung Pathian pek mi a si.