1. In hruaisuak in hruaisuak kan Bawipa in,

    Izip ram sal ihsin in hruaisuak zo;

    Faro ih raalkap pawl in in dawi ih,

    Hmanseh Bawipa'n in hum, mei le sum in.

 

          In hruai sin ding, kan feh sin ding;

          Bawipai' remruat Kanaan ram pan in,

          Kan cawl in kan um kumkhua ding;

          Ei ding tinkim umnak hmun ahcun!

 

2. Bawipa'n in hruaisuak zo tipi sen cu,

    Faro ih raalkap pawl an pil hlo ih;

    Runhimnak hla sak in kan au sin e!

    Bawipa cu thangthat in um sin ko seh!

 

3. Kan feh lai Sinai le Paran thlaler,

    Ram ro, ram car ah kan feh lai a si;

    Rilrawng le tihal in kan ai-hram theu,

    In cawm Van mana le lungpi ti in.

 

4. Zumnak in kan tan-kai zo Jordan cu,

    Bawipai' remruat Kanaan cu kan thleng zo;

    Gilgal hmun ahcun um hmun kan khuar ih,

    Kan hmai ah raal an sung, an cem theh zo.