1. Sim loin ka um thei lo, rel loin ka um thiam lo;

    Thlarau Thianghlim hnatuan ka sungah,

    Meisa bangin i kang ih, daite'n ka umpi thei lo;

    Vanlam thuhmi manna ka sar suak e!

 

          Eden sangka mawi an ong zo,

          Hnamtin, tongtin kan zalen e;

          Pathian pakhat, rinnak hmunkhat,

          Baptisma pakhat cotu kan si.

 

2. Kan rawl tak cu Jesuh Khrih a thiisen le a taksa,

    Ei le intu kan si, thlarau rawl;

    Jerusalem a tul lo, Gerezim kan ngai cuang lo,

    Kan taksa ruangpi cu Pathian biakinn.

 

3. Kan lantak puai Tuu-fano, sual sungin kan zalennak;

    Thihnak neh ih tho saal in hruaitu,

    In hruai ding, in hruai sin ding;

    A vorhlam a kut neem te'n,

    Van Kanaan kan thleng ding, mithiang leennak.