1. Kan ram mipi tulmi Khristian sungkua,

    Bawipa'n a hawl A ram hrangah;

    Hmaisabik ah nu le pai' thu awih nun in,

    Fanau cawn tlak nun thianghlim lamzin sial uhsi!

 

            Nan ruun inn hi ziangso a si, 

            Inn hi biakinn lakih biakinn,

            Ramsung khaw sung ih hmunpi a si;

            Innsungsang nun a thianghlim cun,

            Kan ram Khrih hrang a par suak ve ding.

 

2. Tui ni ih ka lo pekmi thu pawl hi,

    Nan thinlung ah um camcin seh;

    Nan to, nan feh lai le nan it, nan thawh caan ah,

    Fanau cawn tlak nun thianghlim lamzin sial uhsi!

 

3. Kan fa le nun zirh theih an silai ah,

    Dim doih loin nun zirh cio uh;

    Seol i taa an nunnak cu run suak zaang uh,

    Kan Lal lukhum le kan ropitnak fa le tla.